Xaçmaz rayonunun Xuray kəndində yerləşən "Təhsil" İstirahət Mərkəzində baş tutan düşərgədə ilk dəfə olaraq respublikamızın ucqar rayonlarında çalışan müəllimlərin, eləcə də təhsil sahəsində çalışan şəhid və qazi ailələrinin üzvləri iştirak ediblər.
Azərbaycan Təhsil İşçiləri Azad Həmkarlar İttifaqı (ATİAHİ) təşkil etdiyi tədbirin məqsədi dövlət və özəl təhsil müəssisələrində çalışan işçilərin əmək, sosial, iqtisadi hüquqları və qanuni mənafelərinin müdafiəsi, eyni zamanda İttifaq üzvlərinin sosial rifahının artırılması, asudə vaxtlarının daha səmərəli təşkili, onların təcrübə mübadiləsi və peşəkar inkişafını dəstəkləməkdir.
Dünya Azərbaycanlılarının Həmrəyliyi Günü və Yeni İl münasibətilə təşkil olunan “Təhsildə həmrəylik” adlı qış düşərgəsi 300-ə yaxın təhsil işçisini əhatə edib.
