Xaçmazda balıqçılıq sahəsində fəaliyyət göstərən müəssisələrdə epizootoloji monitorinqlər keçiriləcək.
“Shimal.News”un Azərbaycan Respublikasının Qida Təhlükəsizliyi Agentliyinə istinadən verdiyi məlumata görə, respublika ərazisində yoxlamalar davam etdirilir.
Oktyabrın 21-25-dək təşkil olunacaq monitorinq balıqçılıq sahəsində fəaliyyət göstərən müəssisələrdə Ümumdünya Heyvan Sağlamlığı Təşkilatının siyahısına daxil edilən, həmçinin beynəlxalq ticarət üçün vacib olan balıqların infeksion və invazion xəstəliklərinə qarşı keçiriləcək.
Götürülmüş nümunələrin İnstitutun Mərkəzi Baytarlıq Laboratoriyasında müvafiq müayinələri aparılacaq. Monitorinqlər çərçivəsində epizootoloji məlumatlar və götürülmüş nümunələr barədə məlumatlar “Epicollect 5” proqramına daxil olunacaq.
