Xaçmazda ailə münaqişəsi qanla bitib.
Shimal.News xəbər verir ki, gecə saatlarında Niyazoba kəndində baş verən bıçaqlanma hadisəsinin detalları məlum olub.
Süfrə arxasında spirtli içki qəbul edən Sahib Fərzəliyev və oğlu 30 yaşlı Bəxtiyar Fərzəliyev arasında mübahisə yaranıb. Sonra ata kəsici alətlə övladına xəsarətlər yetirib.
Yaralı Xaçmaz rayon Mərkəzi Xəstəxanasına yerləşdirilərək əməliyyat olunub. Ona döş qəfəsinin kəsilmiş, sağ tərəfdən cırılmış yarası, boyunun arxa səthinin, alt çənənin sağ tərəfdən kəsilmiş yaraları diaqnozu təyin edilib. Hazırda o, Cərrahiyyə şöbəsində müalicə alır. Vəziyyəti isə orta ağır qiymətləndirilir.
Oğluna xəsarətlər yetirən ata polis tərəfindən saxlanılıb.
Faktla bağlı araşdırma aparılır.
08:23
Xaçmaz rayonunun Niyazoba kəndində bıçaqlanma hadisəsi baş verib.
Shimal.News xəbər verir ki, Sahib Fərzəliyev 30 yaşlı oğlu Bəxtiyar Fərzəliyevə bıçaqla xəsarət yetirib. Yaralı xəstəxanaya yerləşdirilib.
Hazırda faktla bağlı araşdırma aparılır.
