Xaçmaz şəhərində əmək yarmarkası təşkil olunub.
Shimal.News xəbər verir ki, “Zəfər Parkında” baş tutan tədbirdə 25 işəgötürən iştirak edib. İşsiz və işaxtaran şəxslərə 163 sayda iş yeri təqdim olunub.
Yarmarkaya çıxarılan vakansiyalar üzrə əmək haqqları minimum 345, maksimum isə 2500 manat olub. İqtisadi fəaliyyət növünə görə vakansiyalar daha çox regionun əmək bazarının tələbatına uyğun olaraq turizm, istehsal və emal sənayesi, kənd təsərrüfatı, nəqliyyat, tibb, bankçılıq və satış sahələri üzrə olub.
Dövlət Məşğulluq Agentliyi və Xaçmaz Rayon İcra Hakimiyyətinin birgə təşkilatçılığı keçirilən tədbirdə işsiz və işaxtaran şəxslərə peşə seçiminə istiqamətləndirilməklə yanaşı, onlara karyera imkanları, əmək bazarı və peşələr haqqında məlumat verilib.
