Şimal bölgəsində Ümumrespublika Təmizlik Marafonu keçirilib. Bu haqda ShimalNews 19 avqust məlumat verir.
“Təmiz ölkəm” devizi altında Xəzər dənizinin Xaçmaz sahili, İsmayıllı rayonu Sumağallı meşə ərazilərində təmizlik aksiyaları baş tutub. Aksiyalarda Ekologiya və Təbii Sərvətlər Nazirliyinin yerli qurumlarının əməkdaşları, yerli icra nümayəndəlikləri, bələdiyyələr, yerli kommunal müəssisə kombinatlarının nümayəndələri və sakinlər iştirak ediblər.
Tədbir ətraf mühitin qorunması və ictimai yerlərin təmiz saxlanılmasını təbliğ etmək, cəmiyyətin ətraf mühitə qarşı məsuliyyət hissini artırmaq və onları tullantıların düzgün idarə olunmasına təşviq etmək məqsədi daşıyır.
