Şimalda dünən axşam saatlarından başlayan sulu qar getdikcə qara çevrilib.
Shimal.News xəbər verir ki, yağıntıların miqdarı Qusarda 5 mm, Altıağacda 4 mm, Xaçmaz, Xaltan, Şabranda 3 mm-dək olub. Bu barədə Milli Hidrometeorologiya Xidməti məlumat yayıb.
Dağlıq ərazilərə qar yağıb, yağan qarın hündürlüyü Qrızda 17, Şahdağda 12, Altıağacda 10, Xınalıqda 9, Ləzə, Xaltanda 5 sm olub.
Quba, Qrız, Altıağacda duman müşahidə olunub. Dumanda görünüş məsafəsi 200 metrədək məhdudlaşıb.
