Bu gün şəhid Zəfər Surxayzadənin dünyaya göz açdığı gündür.
Zəfər Şəmsəddin oğlu Surxayzadə 2001-ci il avqustun 5-də Şəki rayonunun Baltalı kəndində anadan olub.
Shimal.News xəbər verir ki, o, Baltalı kənd tam orta məktəbində təhsil alıb.
9 oktyabr 2019-cu illərdə müddətli həqiqi hərbi xidmətə yollanıb.
Azərbaycan Ordusunun əsgəri olan Zəfər Surxayzadə Vətən müharibəsi zamanı Füzulinin və Xocavəndin azadlığı uğrunda gedən döyüşlərdə fəal iştirak edərək şücaət göstərib.
O, noyabrın 9-da Şuşa döyüşləri zamanı qəhrəmancasına şəhid olub. 10 noyabr 2020-ci ildə doğulduğu kənddə torpağa tapşırılıb.
Z.Surxayzadə döyüşlərdə göstərdiyi igidliyə görə, “Vətən uğrunda”, “Füzulinin azad olunmasına görə”, “Xocavəndin azad olunmasına görə”, “Cəbrayılın azad olunmasına görə” və “Cəsur döyüşçü” medalları ilə təltif edilib.
