Şamaxıda Heydər Əliyev Fondu və Mədəniyyət Nazirliyinin təşkilatçılığı, ICESCO-nun tərəfdaşlığı ilə keçirilən Nəsimi festivalının iştirakçıları sırasında görkəmli şair İmadəddin Nəsiminin nəslinin nümayəndələri də var.
Qafqazinfo.az-ın məlumatına görə, bu gün şairin qohumları Şahxəndan türbəsində olublar.
İmadəddin Nəsiminin qardaşı Şahi Xəndanın qəbri olduğu bu türbə Azərbaycanın orta əsr abidələri sırasında memarlıq üslubu və tarixi mahiyyəti ilə fərqlənir.
Heydər Əliyev Fondu tərəfindən 2019-cu ildə “Nəsimi ili” çərçivəsində Şahxəndan qəbiristanlığında olan türbənin ətrafında geniş abadlaşdırma işləri aparılıb.
