Rusiya ordusunun tərkibində döyüşən azərbaycanlı hərbçi Zaur Əjdər oğlu Hacıəliyev Ukraynada itkin düşüb.
Modern.az-ın məlumatına görə, bu barədə onun qohumu sosial şəbəkə hesabında videomüraciət paylaşıb.
"Qohumum Hacıəliyev Zaur Əjdər oğlunu axtarıram. O, 1977-ci il dekabrın 16-da Xaçmaz rayonunda anadan olub. Zaur müharibəyə qədər Rusiyanın Krasnodar şəhərində yaşayıb. Rusiya ordusunun tərkibində Kursk və Luqansk ərazilərində döyüşlərdə iştirak edən Zaur 2024-cü ildə itkin düşüb. Onunla sonuncu dəfə həmin ilin avqustunda dostu əlaqə saxlayıb. Bundan sonra onunla heç bir əlaqə qura bilməmişik".
