Ölkədə qarlı hava şəraiti müşahidə edilir. Xüsusən də şimal rayonlarında intensiv yağan qar müəyyən problemlərə yol açıb. Adətən belə havalarda elektrik enerjisi və qazın verilişində fasilələr yaranır. Məsələ ilə bağlı Xaçmaz rayon İcra Hakimiyyəti (İH) ilə əlaqə saxlayaraq, hazırda ərazidə vəziyyətin necə olduğu, elektrik enerjisinin verilişində fasilə yaranıb-yaranmadığı ilə maraqlandıq.
İH Shimal.News-a Xaçmaz rayonunda elektrik enerjisinin verilişində hər hansı bir problemin olmadığını bildirib:
“20 fevral 2025-ci il tarixində Azərişıq ASC-nin Xaçmaz rayon Elektrik şəbəkəsi tərəfindən 10 kilovoltluq “Nərəcan” hava xəttində aparılan yenidənqurma işləri ilə əlaqədar elektrik enerjsinin verilişində qısa fasilələr yaranıb.
Hal-hazırda rayon ərazisində elektrik enerjisinin verilişində hər hansı bir problem yoxdur. Abonentlər fasiləsiz olaraq elektrik enerjisi ilə təmin olunub”.
