"Azərtütün" Açıq Səhmdar Cəmiyyəti (ASC) tərəfindən Zaqatala, Balakən, Qax, Şəki və Oğuz rayonlarında builki mövsüm üçün tütün əkininə hazırlıq işləri davam etdirilir. Tütün istehsalı ilə əlaqədar indiyədək cəmiyyət tərəfindən bu rayonlarda 31 fermerlə müqavilə bağlanılıb və hazırda proses davam edir.
AZƏRTAC-ın məlumatına görə, indiyədək fermerlərlə bağlanılan müqavilələr üzrə tütün əkiləcək sahə 356,8 hektar təşkil edir.
Bundan əlavə, ASC-nin özü tərəfindən də bu il həmin rayonlar ərazisində 421,5 hektar sahədə tütün əkilməsi nəzərdə tutulur. Artıq istixanalarda tütün şitillərinin yetişdirilməsinə də başlanılıb.
