Zaqatala və Qax rayonlarından olan fermerlər Aqrar Sığorta Fondundan növbəti sığorta ödənişi ilə təmin ediliblər.
Shimal.News məlumat verir ki, arpa sahələri və fındıq bağlarına dəyən ziyana görə 22.268 manat kompensasiya ödənilib.
Ödənişləri təqdim edən Aqrar Sığorta Fondunun filial rəhbəri Toğrul Həşimzadə bildirib ki, qeyri-sabit iqlimə malik olan Şəki-Zaqatala zonasında aqrar sığorta xüsusilə vacibdir. İndiyədək bu regionda müxtəlif hadisələrdən dəyən zərərlər üzrə 2,5 milyon manat sığorta ödənişi verilib.
