Qusarda yaşayan fermer Bəhruz Şıxbalayev elektriklə işləyən avadanlıqlar üçün günəş enerjisindən istifadə edir.
Baku TV-nin reportajında o bildirib ki, artıq 5 ildir ki, təsərrüfatında günəş paneli quraşdırıb:
"Rayonun Aşağı Ləgər kəndində yaşayıram. Təsərrüfatım kənddən dörd km uzaqlıqda yerləşir. Yaxınlıqda elektrik xətti olmadığı üçün generatordan istifadə edirdim. O, səmərəli deyildi. Buna görə də günəş panelləri quraşdırmaq qərarına gəldim".
Fermer təsərrüfatda görülən işlərlə yanaşı, evin, o cümlədən həyətin işıqlandırılmasını günəş enerjisi ilə təmin edir. O vurğulayıb ki, günəş panelləri həm sərfəli, həm də ekoloji cəhətdən təmizdir.
Ətraflı videoda: