Tanınmış televiziya və radio işçisi Fəridə Abdulla doğma şəhəri Şəki ilə bağlı sosial şəbəkə hesabında paylaşım edib.
Shimal.News xəbər verir ki, o, Azərbaycan futbolunun II Liqasında çıxış edən "Sheki City" klubunun formasını geyinərək şəhərin futboluna dəstəyini ifadə edib.
"Doğma şəhərimin futbol klubunun formasını geyinmək çox özəldi. Təşəkkürlər, Elgün Hüseynov və uğurlar! Bir gün "Şəki"ni APL-də görək", – deyə Fəridə Abdulla paylaşımında doğma diyarı barədə xoş sözlər yazıb.
Qeyd edək ki, "Sheki City" klubunun prezidenti və Şəki Peşəkar Futbol Klubunun qurucusu Elgün Hüseynovdur. Komanda hazırda Azərbaycan futbolunun II Liqasında mübarizə aparır.
