Qusar rayonunda ağır yol-nəqliyyat hadisəsi baş verib.
Shimal.News xəbər verir ki, qəza rayonun Şirvanlı kəndi ərazisində qeydə alınıb. İlkin məlumata görə, "Mercedes" markalı minik avtomobili hərəkətdə olarkən idarəetmədən çıxaraq yol kənarına aşıb.
Hadisə nəticəsində avtomobildə olan 5 nəfər müxtəlif dərəcəli ağır bədən xəsarətləri alıb. Yaralılar təcili olaraq Qusar Rayon Mərkəzi Xəstəxanasına çatdırılıblar.
Xəsarət alan şəxslərin Sabirabad rayon sakinləri olduğu bildirilir. Onlar 1980-ci il təvəllüdlü Ə.Soltanov, 1993-cü il təvəllüdlü C.Soltanov, 1999-cu il təvəllüdlü S.Soltanov, 1996-cı il təvəllüdlü P.Soltanov və 1987-ci il təvəllüdlü S.Həsənovdur.
Hazırda yaralıların vəziyyəti ilə bağlı tibbi yardım göstərilir.
Faktla bağlı hüquq-mühafizə orqanları tərəfindən araşdırma aparılır.
