Təhsil sahəsində aparılan yeni islahatlarla bağlı sosial şəbəkələrdə “müəllimlər saat 18:00-a qədər məktəbdə saxlanılacaq” iddiaları həqiqəti əks etdirmir.
Shimal.News məlumat verir ki, Elm və təhsil naziri Emin Əmrullayev məsələyə aydınlıq gətirib.
Yenilik müəllimlərin məktəbdə qeyri-dərs fəaliyyətinə — müsabiqə, olimpiada hazırlığı, digər müəllimlərin dərslərinin dinlənməsi, metodik işlər, sərgilər və məktəbdənkənar fəaliyyətlərin təşkili kimi ödənişli fəaliyyətlərdən gedir.
Bildirilir ki, hazırda müəllimlərin 18–24 saatlıq dərs yükündən kənar gördüyü işlərin əksəriyyəti heç bir şəkildə ödənilmir. Yeni model isə həmin fəaliyyətləri əməkhaqqına daxil etməyi nəzərdə tutur.
Nazirin sözlərinə görə, islahat ilk mərhələdə yalnız böyük məktəblərdə çalışan təxminən 20 min müəllimi əhatə edəcək. Məktəblərdə infrastrukturun mərhələli şəkildə yenilənəcəyi, müəllimlər üçün daha yaxşı iş şəraitinin yaradılacağı bildirilir.
Açıqlamada vurğulanıb ki, islahat müəllimin rifahını artırmağa, məktəbdə tədrisin keyfiyyətinə məsul şəxslərin formalaşmasına və müəllim nüfuzunun yüksəldilməsinə yönəlib.
Daha ətraflı videoda izləyin.
View this post on Instagram
