Oğuz rayonunda Türyançay üzərində olan körpü ətrafında aşınma qeydə alınıb.
Shimal.News xəbər verir ki, Mollalı kəndi ərazisindən keçən Türyançay çayı üzərindəki körpüdə aşınma halları qeydə alınıb.
Məlumata görə, körpünün giriş (baş) hissəsində çöküntü əmələ gəlib, bəzi hissələrdə isə bu dəliklərin ətrafı genişlənərək iri çuxurlara çevrilib.
Qeyd edək ki, sözügedən körpü Qaraməryəm–İsmayıllı–Şəki avtomobil yolunun Oğuz rayonu ərazisindən keçən hissəsində yerləşir və intensiv istifadə olunur.
Sakinlər və sürücülər körpünün təcili təmir olunmasını zəruri hesab edir, əks halda burada qəza riskinin daha da artacağını bildirirlər.
