Azərbaycan ədəbi ictimaiyyətində Qoca Xalid kimi tanınan şair Namizəd Xalidoğlu 71 yaşında vəfat edib.
Shimal.News xəbər verir ki, şairin ölüm səbəbi barədə hələlik rəsmi məlumat açıqlanmayıb.
1954-cü ildə Şəki rayonunun Kiçik Dəhnə kəndində anadan olan Qoca Xalid Şəki ədəbi mühitinin tanınmış nümayəndələrindən biri hesab olunurdu. O, Moskvadakı M.Qorki adına Ədəbiyyat İnstitutunun məzunu idi.
Şair Rusiya Elm və İncəsənət Akademiyasının müxbir üzvü seçilmiş, Rusiya xalqlarının VII Artiadası və Beynəlxalq N.Rubtsov mükafatlarına layiq görülmüşdü.
Ədəbiyyatsevərlər Qoca Xalidi milli poetik ənənələri müasir üslubla birləşdirən yaradıcılığı ilə xatırlayırlar.
