Zaqatala rayonunun Çobankol kəndində elektrik təchizatı yararsız vəziyyətə düşüb.
Kənd sakinlərinin Shimal.News-a verdiyi məlumata görə, ərazidə ötən əsrin 70-ci illərində quraşdırılan elektrik dirəkləri artıq istismar müddətini başa vurub.
Vətəndaşlar bildirirlər ki, güclü külək olanda kənd saatlarla işıqsız qalır. Köhnəlmiş elektrik naqilləri isə təhlükə mənbəyinə çevrilib və insan həyatını riskə atır.
Sakinlər problemin aradan qaldırılması üçün Zaqatala Elektrik Şəbəkəsi tərəfindən kəndin elektrik təsərrüfatının yenilənməsinə başlanılmasını tələb edirlər.
