İsmayıllı rayonunun dağlıq ərazisində yerləşən Mücü kəndində həyatın çətinlikləri və insan hekayələri diqqət çəkir.
Kənd sakinləri bildirirlər ki, iş imkanlarının azlığı səbəbindən gənclərin əksəriyyəti Bakıya köçüb. Hazırda kənddə daimi yaşayan ailələrin sayı cəmi 25 ev civarındadır. Bir çox evlərin qapısında isə qıfıl var.
Sakinlərin sözlərinə görə, kənddə qazın olmaması, iş yerlərinin azlığı və təsərrüfatın çətinliyi insanların kəndi tərk etməsinə səbəb olur. Buna baxmayaraq, bəzi gənclər doğma torpağa qayıdaraq təsərrüfatla məşğul olmağa çalışır.
Kənddə yaşayan 85 yaşlı Zülfüqar baba isə doğulduğu yeri tərk etməyəcəyini deyir: "Bura mənim ana vətənimdir, ona görə kəndimi çox sevirəm", – deyə o bildirib.
Səfər zamanı kənd sakinlərinin qonaqpərvərliyi, qədim məktəb binası, tarixi qəbiristanlıq və gözlənilmədən yağan qar kəndin fərqli atmosferini ortaya qoyur.
Daha ətraflı Baku TV-nin videosunda.
