Oğuz rayonunun bəzi avtomobil yollarında təhlükəli vəziyyət yaranıb.
Shimal.News-a sürücülər tərəfindən verilən məlumata görə, iki gün əvvəl yağan qardan sonra havanın temperaturu kəskin aşağı düşüb. Bu isə yolların buz tutması ilə nəticələnib.
Xüsusilə rayonun ucqar kəndlərindən biri olan Baş Daşağıl istiqamətində vəziyyət daha ciddidir.
Burada nəqliyyatın hərəkəti çətinləşib və qəza riski artıb. Hazırda ərazidə hər hansı qabaqlayıcı tədbirin görülməməsi narahatlıq doğurur.
Məsələ ilə bağlı aidiyyəti qurumların operativ tədbirlər görməsi gözlənilir.
