II Liqada inanılmaz dönüş: "Şəki Siti" tarix yazdı
II Liqada 18-ci turun oyunlarına start verilib və tur çərçivəsində nadir futbol hadisəsi qeydə alınıb.Shimal.Newsxəbər verir ki, "Şəki Siti" Zaqatala Olimpiya İdman Kompleksinin stadionunda "Kür-Araz" komandasını qəbul edib. Qarşılaşmanın əvvəlində 0:3 hesabı ilə geridə qalan meydan sahibləri inanılmaz geri dönüş edərək oyunu 4:3 hesablı qələbə ilə başa vurublar.Bu nəticədən sonra xallarını 29-a çatdıran "Şəki Siti" turnir cədvəlinin 5-ci pilləsində qərarlaşıb. 15 xalı olan "Kür-Araz" isə 8-ci sırada yer alır.
