Bakı-Quba yolunun Şabran ərazisindən keçən hissəsində illər əvvəl inşa edilən körpü bu gün həmin ərazidə yaşayan sakinlərin ciddi narahatlığına səbəb olur.
Sakinlərin iddialarına görə, evlərinin yaxınlığında inşa edilən körpüdən keçən ağırtonnajlı yük avtomobilləri mənzillərdə çatların yaranmasına səbəb olub.
Sözügedən körpü 2010-cu ildə inşa edilib. İstifadəyə verildikdən sonra buradan ağır yük avtomobillərinin keçməsi onların evində titrəmələrə səbəb olub.
"Bəzi qonşularımız öz mülklərini tərk etmək məcburiyyətində qalıblar. Yaranan problemə görə evlərimizi nə təmir edə, nə də sata bilirik. Torpağı olanlara da ev tikməyə icazə verilmir", - deyə sakinlər bildiriblər.
Məsələ ilə bağlı Şabran şəhər üzrə icra nümayəndəliyindən bildirilib ki, körpünün altına düşən evlərin problemi həll olunub. Yaxın evlərlə bağlı hələ ki, qərar yoxdur.
Daha ətraflı Xəzər Xəbər-in videomaterialında:
