İsita (İsida) ləzgi xalqının ənənəvi milli halvasıdır və mehriban münasibətlər rəmzidir.
İsitanı bayramlarda, xüsusən də nişan və toylarda, anım mərasimlərində bişirirlər. İsita gücü bərpa etdiyi üçün doğuş zamanı qadınlar üçün da hazırlanır.
Onu hazırlamaq üçün əvvəlcə una su çilənir və umac hazırlanır. Sonra umaca qaynar yağ əlavə olunub, yaxşıca çalınır və odun üstündə qarışdırılaraq bişirilir. Əvvəlcədən hazırlanmış şəkərli su qatılıb, yenidən bişirilir. Qaynar halda üstünə naxışlar salınır. Əvvəllər hər ləzgi kəndində İsitanın üstündəki naxışlar bir-birindən seçilirdi.
İsitanı, adətən, iri məcməyilərə (dairəvi formalı dayaz mis qab) qoyurlar.
İstinad edilən mənbələr:
