Xaçmazda birmərtəbəli evdə yanğın baş verib. Bu haqda ShimalNews 8 sentyabr tarixində Fövqəladə Hallar Nazirliyinə (FHN) istinadən məlumat verir.
Hadisə Padar kəndində qeydə alınıb. Ümumi sahəsi 100 kv.m olan qeyri-yaşayış 4 otaqlı tikilinin 1 otağında 850 kq ot bağlaması və damı alovlanıb.
Əraziyə yanğınsöndürənlər cəlb ediliblər. Nəticədə 490 kq ot bağlaması mühafizə olunub.
