Ümumi təhsil müəssisələrində vakant olan vəzifələrə işə qəbul üzrə müsabiqənin qeydiyyat mərhələsinə start verilir. Bu haqda ShimalNews 1 sentyabr tarixində Quba-Xaçmaz Regional Təhsil İdarəsinə (RTİ) istinadən məlumat verir.
Sənəd qəbulu tədris (təlim-tərbiyə) işi üzrə direktor müavini və məktəbdənkənar və sinifdənxaric tərbiyə işi üzrə təşkilatçı vəzifələri üzrə sentyabrın 1-dən 7-dək davam edəcək. Müsabiqə 4 mərhələdən (qeydiyyat, sənədlərin yoxlanılması, test və müsahibə) ibarət olacaq.
Tələb olunan sənədlər:
– şəxsiyyəti təsdiq edən sənədin surəti;
– əmək kitabçasının surəti;
– ali təhsil haqqında sənədin və əlavənin surəti;
– kadrların uçot vərəqi;
– tərcümeyi hal.
Namizədlər üçün tələblər aşağıdakılardır:
– pedaqoji ixtisas üzrə ali təhsil;
– 3 ildən az olmayaraq pedaqoji staj;
– hazırda ümumi təhsil müəssisəsində müəllim kimi pedaqoji fəaliyyət göstərmək.
Sənədlər Regional Təhsil İdarəsinə təqdim edilməlidir. Vakansiyalarla linkə daxil olaraq tanış olmaq olar.
