Burada şəhidin doğmaları və sakinlər iştirak ediblər
Qusar rayonunda Vətən müharibəsi şəhidinin xatirəsi anılıb. Bu barədə ShimalNews 4 avqust tarixində rayon Gənclər və İdman İdarəsinə istinadən xəbər verir.
Şəhid kəşfiyyatçı Ruslan Cəfərovun əziz xatirəsinin yad etmək məqsədilə onun məzarı ziyarət olunub. Ziyarətdə sözügedən idarənin əməkdaşları, şəhidin doğmaları və sakinlər iştirak ediblər.
Cəfərov ölümündən sonra:
- “Füzulinin azad olunmasına görə”,
- “Xocavəndin azad olunmasına görə”,
- “Şuşanın azad olunmasına görə”,
- “Hərbi xidmətlərə görə”,
- “Vətən uğrunda” medalları ilə təltif olunub.
