Bakı-Quba yolunda qəza: hərəkətdə olan avtomobilin təkəri partlayıb

Bakı-Quba yolunda qəza baş verib. Bu barədə ShimalNews 2 avqust tarixində məlumat verir.

Hadisə magistral yolun 67-ci kilometrində qeydə alınıb. Qusar sakini Bakıdan Qusara gələrkən idarə etdiyi “Hyundai” markalı avtomobilin qəflətən sağ qabaq təkəri partlayıb. Nəticədə nəliyyat vasitəsi evvəlcə sağdakı, daha sonra isə soldakı dəmir-beton arakəsmələrə çırpılıb. Hadisə zamanı xəsarət alan olmayıb.

Avtomobilə ciddi ziyan dəyib. Sürücünün sözlərinə görə, o təkərləri 2 ay öncə yeniləyib. Həmçinin o əlavə edib ki, təkərin partlamasına səbəb yoldakı çökəkliklərin iti küncləri olub.

Əraziyə polis və sığorta şirkətinin əməkdaşları cəlb olunub. Sığorta şirkəti  arakəsmələrin bərpasını qarşılayacaq.

Zədələnən avtomobil Quba şəhərinə gətirilib.

• Share on Facebook