Qusarda leysan nəticəsində köməksiz qalan vətəndaşlar xilas edilib. Bu barədə 18 sentyabr tarixində FHN məlumat yayıb.

Qusar rayonunun Urva kəndinə əkin sahələrində təsərrüfat fəaliyyəti üçün gəlmiş 35 nəfər vətəndaş, habelə 1 nəqliyyat vasitəsi yağan güclü leysan yağışları səbəbindən ərazini tərk edə bilməyib və köməksiz vəziyyətdə qalıb.

FHN-nin əməkdaşları tərəfindən keçirilən əməliyyat nəticəsində vətəndaşlar və nəqliyyat vasitəsi ərazidən təxliyə olunaraq təhlükəsiz əraziyə çıxarılıb.