Quba rayonunda üzərində zəhərli maddə saxlamaqda şübhəli bilinən şəxs saxlanılıb. Bu barədə bu gün, 19 avqust tarixində məlum olub.

Rayon polis əməkdaşları tərəfindən keçirilən əməliyyat zamanı 2-ci Nügədi kənd sakini Əli Əliyevin üzərində 55 qram civə aşkar olunaraq götürülüb.

Faktla bağlı istintaq aparılır.

Civə otaq temperaturunda maye halında olan yeganə metaldır. Termometrdə olan 2 qram civə 6000 m3 havanı çirkləndirir. Xüsusən onun buxarı daha zərərlidir. Hər bir halda civə dağılıbsa, FHN-in “112” xidmətinə zəng edib xəbər vermək lazımdır.