Qusar: restoran sahibi həbs olunub

31 İyul 2021, 11:37

Açıq mənbələrdən foto

Hadisə “Ladera” istirahət mərkəzindəki restoranda baş verib

Qusarda “Ladera” istirahət mərkəzindəki restoranda qanunsuz toy mərasimi keçirilib. Bu barədə bu gün, 31 iyul məlum olub.

Restoranın rəsmi portalda qeydiyyatda olmadığı və karantin rejimi qaydalarının pozulması qeydə alınıb. DİN-nin mətbuat xidmətindən bildirilib ki, obyekt sahibinə edilən xəbərdarlığa baxmayaraq, toy mərasimi təşkil olunub.

Restoran sahibi Abdul Hüseynov müvafiq maddələrə uyğun olaraq 10 gün müddətinə inzibati qaydada həbs edilib.

Daha öncə, iyulun 29-da Xaçmaz rayonunda “Xoşbəxt məkan” şadlıq sarayında toyların keçirilmə qaydalarının pozulması qeydə alınmışdır.

Bir cavab yazın

Sizin e-poçt ünvanınız dərc edilməyəcəkdir.